ചിരപുരാതനവും ചരിത്രപ്രസിദ്ധവുമായ കൊറ്റന് കുളങ്ങര ദേവീക്ഷേത്രത്തില് മീനം 10,11 തീയതികളില് നടക്കുന്ന ചമയവിളക്കു മഹോത്സവത്തിന്റെ കെട്ടുകാഴ്ച്ച യുമായി ബന്ധപ്പെട്ട ചില ആചാരക്രമങ്ങളാണ് ചുവടെ ചേര്ക്കുന്നത്. ചവറ, പുതുക്കാട്, കുളങ്ങരഭാഗം, കോട്ടക്കകം എന്നീ നാലു കരകളുടെ സംയുക്താഭി മുഖ്യത്തിലാണ് ഐതീഹ്യവിധിപ്രകാരമുള്ള അനുഷ്ഠാന കര്മ്മങ്ങള് നിര്വ്വഹിക്കുന്നത്.
മീനം 10ന് ചവറ കരയില് നിന്നുള്ള വണ്ട@ിക്കുതിരകളും ആനകളും ചവറ ജംഗ്ഷന് വഴി ദേശീയപാതയിലൂടെ വടക്കോട്ട് സഞ്ചരിച്ച് കൊറ്റന്കുളങ്ങര ജംഗ്ഷനിലെത്തി ദേശീയപാതയുടെ പടിഞ്ഞാറുവശത്ത് നിലയുറപ്പിക്കുന്നു കോട്ടക്കകം, കുളങ്ങരഭാഗം കരകളില് നിന്നുള്ള വണ്ട@ിക്കുതിരകളും ആനകളും യഥാക്രമം നല്ലേഴുത്ത്മുക്ക് വഴി തെക്കോട്ടു സഞ്ചരിച്ച് കൊറ്റന്കുളങ്ങര ജംഗ്ഷനില് എത്തി ദേശീയപാതയുടെ കിഴക്കുവശത്ത് നിലയുറപ്പിക്കു ന്നു. പുതുക്കാട് കരയില് നിന്നുള്ള വണ്ട@ിക്കുതിരകളും ആനകളും കിഴക്കുനിന്നും കുഞ്ഞാലുംമൂട് വഴി പടിഞ്ഞാ റോട്ടു വന്ന് പഞ്ചായത്ത് ഓഫീസിന്റെ മുന്വശം നിലയുറ പ്പിക്കുന്നു. അനന്തരം നാലു കരകളുടെയും പ്രതിനിധിക ള് കൊറ്റന്കുളങ്ങര ജംഗ്ഷനില് ഒരുമിച്ചുകൂടി ദേവിയ്ക്ക് കുടിയിരിക്കുവാനായി ക്ഷേത്രമൈതാനത്ത് നിര്മ്മിച്ചിട്ടു ള്ള രണ്ട@ു കല്ത്തറകളില് (കാക്കാത്തിക്കല്ലുകള്) തെക്കേ കല്ത്തറയില് അരങ്ങ്(കുരുത്തോലപ്പന്തല്) പൂര്ത്തിയാ യോ എന്ന് അന്വേഷിക്കുന്നു. പൂര്ത്തിയായെന്ന് ബോധ്യം വന്നാല് ആതിഥേയകരയായ കുളങ്ങരഭാഗം കരക്കമ്മിറ്റി പ്രസിഡന്റിന്റെ നേതൃത്വത്തില് നാലു കരയുടെയും പ്രതി നിധികള് റോഡിന്റെ പടിഞ്ഞാറുവശം നിലയുറപ്പിച്ചിട്ടു ള്ള ചവറ കരയുടെ വക കുതിരകളുടെ മുന്നില് നിന്നുകൊ @ണ്ട് പരസ്പരം കൈകള് ചേര്ത്ത് മുകളിലേക്കുയര്ത്തി 'ആര്പ്പോ ഋര്റോ' എന്ന് ആരവം മുഴക്കിയ ശേഷം കുതിരകളും ആനകളും കിഴക്കോട്ടു നീങ്ങുന്നു. ചവറ, കോട്ടക്കകം, കുളങ്ങരഭാഗം എന്ന ക്രമത്തിലാണ് കുതിര കള് കിഴക്കോട്ട് പോകുന്നത്. ക്ഷേത്രമൈതാനിയില് എ ത്തിയ ശേഷം ആനകളെ തെക്കുവശം പടിഞ്ഞാറുഭാഗ ത്ത് വടക്കോട്ടു ദര്ശനമായി നിര്ത്തുന്നു. ചവറ കരയുടെ കുതിരകളെ മൈതാനത്തിന്റെ തെക്കുവശം കിഴക്കുഭാഗ ത്ത് വടക്കോട്ട് ദര്ശനമായും എടുപ്പുകുതിരയേയും പുതു ക്കാട് കരയുടെ കുതിരകളേയും കിഴക്കുവശത്ത് പടിഞ്ഞാ റോട്ടു ദര്ശനമായും കോട്ടക്കകം കരയുടെ കുതിരകളെ വടക്കുവശം കിഴക്കുമാറി തെക്കോട്ടു ദര്ശനമായും കുള ങ്ങരഭാഗം കരയുടെ കുതിരകളെ വടക്കുവശം പടിഞ്ഞാറു മാറി തെക്കോട്ടു ദര്ശനമായും ക്രമീകരിക്കുന്നു. ഈ സന്ദ ര്ഭത്തില് കെട്ടുകാഴ്ചയ്ക്ക് ആത്മീയതലത്തില് നേതൃ ത്വം നല്കുവാനായി വെളിച്ചപ്പാടിന്റെ കാര്മ്മികത്വത്തില് ദേവിയുടെ എഴുന്നള്ളത്തിനുള്ള ഒരുക്കങ്ങള് ക്ഷേത്രത്തി ല് നടക്കുന്നു. ശ്രീകോവിലില് വിഗ്രഹത്തിന്റെ പിന്നില് കുടിയിരുത്തിയ വിശ്വജനനിയുടെ രൂപം ആവാഹിച്ച ബാഹ്യകവചം ശ്രീകോവില്മുറ്റത്തുള്ള ആല്ത്തറയില് വച്ചിട്ടുള്ള ചട്ടക്കൂടില് ചേര്ത്ത് 'ജീവത' ഒരുക്കുന്നു. വെളി ച്ചപ്പാടിന്റ നേതൃത്വത്തില് തൂക്കുവിളക്ക്, വാളും പരിച യും, കുട എന്നിവയുടെ അകമ്പടിയോടെ ദേവീദാസന്മാര് ജീവത ചുമലിലേന്തി ശ്രീകോവില് വലം വച്ച് കിഴക്കേ കാ വടത്തിനു മുന്നിലെത്തി അനുഗ്രഹവര്ഷം ആവാഹിച്ച് ഉറഞ്ഞു തുള്ളി തെക്കേ അരങ്ങിന്റെ മുന്നിലെത്തുന്നു. വെളിച്ചപ്പാട് അരങ്ങിന്റെ തച്ചുശാസ്ത്ര വിധിപ്രകാരമുള്ള നിര്മ്മാണം പരിശോധിക്കുന്നു. തെറ്റുകുറ്റങ്ങളുണ്ടെങ്കില് ശി ല്പികളെ അറിയിക്കുന്നു. കുറ്റമറ്റതെങ്കില് ശില്പികളെ അനുമോദിക്കുന്നു. തുള്ളിക്കൊണ്ടുതന്നെ ആനകളുടെയും കുതിരകളുടെയും മുന്നിലെത്തി അനുഗ്രഹം ചൊരിഞ്ഞ ശേഷം കുതിരകളേയും ആനകളെയും ക്ഷേത്രത്തിലേക്ക് ആനയിക്കാന് ആഹ്വാനം ചെയ്യുന്നു. ഇപ്രകാരം ഏറ്റവും മുന്നില് എടുപ്പുകുതിര, പിന്നാലെ ചവറ, പുതുക്കാട്, കോ ട്ടക്കകം, കുളങ്ങരഭാഗം എന്ന ക്രമത്തില് കുതിരകളെയും ആനകളെയും ക്ഷേത്രത്തിലേക്ക് ആനയിച്ച് ശ്രീകോവില് പ്രദക്ഷിണം വച്ച് വടക്കേ റോഡിലൂടെ കുഞ്ഞാലുമ്മൂട് വഴി കെട്ടുകാഴ്ച്ച അരങ്ങേറുന്ന കടത്താറ്റുവയലില് എ ത്തിച്ചേരുന്നു. നാലു കരകളിലെയും വണ്ടിക്കുതിരകളുടെ പിന്നിലാണ് അതത് കരകളിലെ നെറ്റിപ്പട്ടം കെട്ടിയ ആന കളുടെ സ്ഥാനം. ഒടുവില് അണിചേരുന്ന കുളങ്ങരഭാഗം കരയുടെ പിന്നിലെ കുതിരയെ 'അകമ്പടിക്കുതിര'യെന്ന നിലയില് പുറകോട്ടു ദര്ശനമായിട്ടാണ് ആനയിക്കുക. ഏറ്റവും പിന്നിലായി വെളിച്ചപ്പാടിന്റെ നേതൃത്വത്തില് എഴുന്നള്ളത്തും അനുഗമിക്കുന്നു. കുഞ്ഞാലുംമൂട്ടില് എത്തിയ ശേഷം കുതിരകളും ആനകളും ഇടയ്ക്കുള്ള വയ ലിലൂടെയും എഴുന്നള്ളത്ത് കുഞ്ഞാലുമ്മൂട് ആല്ത്തറ ചുറ്റി പഞ്ചായത്ത് റോഡിലൂടെയും കടത്താറ്റുവയലില് എത്തിച്ചേരുന്നു. കെട്ടുകാഴ്ച്ച കടത്താറ്റുവയലില് എത്തി യ ശേഷം ദേവീചൈതന്യം കുടികൊള്ളുന്ന ആല്ത്തറ പ്രദക്ഷിണം വച്ച് കുതിരകളും ആനകളും ആല്ത്തറയുടെ മുന്നില് നിരന്നു നില്ക്കുന്നു. കുതിരകളുടെയും ആനക ളുടെയും മുന്നില് വെളിച്ചപ്പാട് തുള്ളിയനുഗ്രഹിച്ച ശേഷം എഴുന്നള്ളത്ത് വയലിലെ ആല്ത്തറയില് കുടിയിരുത്തു ന്നു. ആചാരവിധിയാലുള്ള പൂജാദികര്മ്മങ്ങള് പൂര്ത്തി യാക്കി കുതിരകള്, ആനകള്, ഏറ്റവും പിന്നിലായി എഴു ന്നള്ളത്ത് എന്ന ക്രമത്തില് തിരികെ ക്ഷേത്രമൈതാനിയി ല് എത്തിച്ചേരുന്നു. കുഞ്ഞാലുമ്മൂട് ആല്ത്തറ ചുറ്റി വരു ന്ന എഴുന്നള്ളത്ത് കുതിരമൂട്ടില് തുള്ളിയ ശേഷം തെക്കേ അരങ്ങില് കുടിയിരിക്കുന്നു. തുടര്ന്ന് ദീപാരാധന, സേവ, സംഗീതസദസ്സ്, ശ്രീഭൂതബലി, ചമയവിളക്ക്, ആറാട്ട് എന്ന ക്രമത്തില് ഒന്നാംദിന ഉത്സവം പൂര്ണ്ണമാകുന്നു.
ഒന്നാംദിന ഉത്സവം പൂര്ണ്ണമാകുന്നു.
മീനം 11ന് രണ്ട@ാം ഉത്സവദിവസം തലേ ദിവസത്തെ പോ ലെ ചവറ കരയുടെ കുതിരകളും ആനകളും തെക്കുനിന്ന് വന്ന് കൊറ്റന്കുളങ്ങര ജംഗ്ഷനില് ദേശീയപാതയുടെ പടിഞ്ഞാറു വശത്തും കുളങ്ങരഭാഗംകര, കോട്ടക്കകംകര എന്ന ക്രമത്തില് കുതിരകളും ആനകളും വടക്കുനിന്ന് വന്ന് കൊറ്റന്കുളങ്ങര ജംഗ്ഷനില് ദേശീയപാതയുടെ കിഴക്കുവശത്തും നിലയുറപ്പിക്കുന്നു. പുതുക്കാട് കരയു ടെ കുതിരകളും ആനകളും പഞ്ചായത്ത് ഓഫിസിന്റെ മുന്നിലും നില്ക്കും. ശേഷം നാലു കരകളുടെയും പ്രതിനിധികള് പതിവുപോലെ കൊറ്റന്കുളങ്ങരയിലെ ത്തി രണ്ട@ാം ദിവസം ദേവിക്ക് കുടിയിരിക്കാന് മൈതാന ത്ത് നിര്മ്മിച്ചിട്ടുള്ള വടക്കേ കല്ത്തറയുടെ മേലേ ഒരുക്കു ന്ന 'അരങ്ങി'ന്റെ പണി പൂര്ത്തിയായെന്ന് ഉറപ്പു വരുത്തി യ ശേഷം കുളങ്ങരഭാഗം കരക്കമ്മിറ്റി പ്രസിഡന്റിന്റെ നേതൃത്വത്തില് റോഡിന്റെ കിഴക്കുവശം നിലയുറപ്പിച്ചിട്ടു ള്ള കുളങ്ങരഭാഗം കര വക കുതിരകളുടെ മുന്നില് നിന്നു കൊണ്ട@് കൈകള് പരസ്പരം ചേര്ത്ത് മേലോട്ടുയര്ത്തി പതിവ് പോലെ ആരവം മുഴക്കിയ ശേഷം കുളങ്ങരഭാഗം, കോട്ടക്കകം, ചവറ എന്ന ക്രമത്തില് കുതിരകളെയും ആന കളെയും കിഴക്കോട്ട് ആനയിച്ച് ക്ഷേത്രമൈതാനിയില് തലേദിവസത്തെ സ്ഥാനങ്ങളില് നിലയുറപ്പിക്കുന്നു. ഈ സന്ദര്ഭത്തില് ഒന്നാം ഉത്സവദിനത്തിലെ പോലെ വെളിച്ച പ്പാടിന്റെ നേതൃത്വത്തില് തുള്ളിയനുഗ്രഹം ചൊരിഞ്ഞു കൊ@ണ്ട് ക്ഷേത്രത്തില് നിന്നും എഴുന്നള്ളത്ത് വരുന്നു. ആദ്യദിവസത്തെ പോലെ പതിവ് അനുഷ്ഠാനകര്മ്മങ്ങ ള് നിര്വ്വഹിച്ച ശേഷം വെളിച്ചപ്പാട് കുതിരകളെയും ആന കളെയും ക്ഷേത്രത്തിലേക്ക് ആനയിക്കാന് ആഹ്വാനം ചെയ്യുന്നു. ഏറ്റവും മുന്നിലായി എടുപ്പുകുതിര, പിന്നാലെ കുളങ്ങരഭാഗം, കോട്ടക്കകം, പുതുക്കാട്, ചവറ എന്ന ക്രമ ത്തില് കുതിരകളും ആനകളും ക്ഷേത്രത്തിലെത്തി ശ്രീകോവില് പ്രദക്ഷിണം വച്ച് വടക്കേ റോഡിലൂടെ കുഞ്ഞാലുംമ്മൂട് വഴി കടത്താറ്റുവയലിലേക്ക് പോകുന്നു. രണ്ട@ാം ദിവസം ഒടുവില് അണി ചേരുന്ന ചവറ കരയുടെ പിന്നിലെ കുതിരയെ 'അകമ്പടിക്കുതിര'യെന്ന നിലയില് പുറകോട്ട് ദര്ശനമായിട്ടാണ് ആനയിക്കുക. ഏറ്റവും പിന്നിലായി എഴുന്നള്ളത്തും അനുഗമിക്കുന്നു. കെട്ടുകാഴ് ച്ചയുടെ വര്ണ്ണഭംഗി ആസ്വദിച്ച് ആനന്ദാമൃതവര്ഷം തൂ കി ഏറ്റവും പിന്നിലായിരിക്കും എപ്പോഴും എഴുന്നള്ളത്തി ന്റെ സ്ഥാനം. വയലിലെത്തിച്ചേര്ന്ന ശേഷം കഴിഞ്ഞ ദിവസത്തെ പതിവ് അനുഷ്ഠാനകര്മ്മങ്ങള് പൂര്ത്തിയാ ക്കി തിരികെ ക്ഷേത്രമൈതാനിയില് എത്തിച്ചേരുന്നു. പോകുമ്പോഴും വരുമ്പോഴും എഴുന്നള്ളത്ത് കുഞ്ഞാലും മ്മൂട് ആല്ത്തറ ചുറ്റും. ക്ഷേത്രമൈതാനിയിലെത്തി കുതി രമൂട്ടില് തുള്ളിയനുഗ്രഹിച്ച ശേഷം എഴുന്നള്ളത്ത് വടക്കേ അരങ്ങില് കുടിയിരിക്കുന്നു. തുടര്ന്ന് പതിവുപോലെ ദീപാരാധന, സേവ, സംഗീതസദസ്സ്, ശ്രീഭൂതബലി, ചമയവിളക്ക്, ആറാട്ട് എന്ന ക്രമത്തില് വിശ്വപ്രസിദ്ധമായ കൊറ്റന്കുളങ്ങര ചമയവിളക്ക് മഹോത്സവം സമാപനം കുറിക്കുന്നു.
Learn More
